歇後語 01 - 二打六

二打六 ─ ─ 未夠斤兩

“二打六”即係二加上六等於八，中國人以十為圓滿，“十全十美”、“斤兩十足”； 有話 “八”即唔夠一斤，一斤=十六兩，半斤=八兩。所以“二打六”係未夠班，唔夠資格！所以二打六係用０黎形容無關重要嘅角色及人物。

p/s :響中國大陸用嘅係市斤,一斤係500公克， 響馬來西亞/台灣/香港用嘅是臺（台）斤，1斤係600公克。 但係有D地方都亂曬大籠， 同一個國家有唔同嘅秤法？！因爲有公制以及市用制之分。公制：一公斤係500公克，但係一般傳統市場依然沿用市用制（臺斤）。

所謂嘅臺斤，其實就係清朝時全國各地所使用嘅“斤”。1895年，臺灣割讓俾日本，日本人推行公制，但係臺灣人仍然沿襲自己嘅習慣，繼續使用舊有嘅度量衡。當中國大陸都唔再使用清朝嘅舊制時，臺灣使用嘅舊制度量衡，就自然成為所謂嘅“臺制”了。

***歇 ＝ hit3，例如蠍子、帶挈; 唔係讀 kit3，例如揭穿、帶挈, 都唔係讀git3，例如衰竭。

Update：2010-03-28：多謝讀者糾正，帶挈嘅正音！