歇後語 06 - 狗咬呂洞賓

狗咬呂洞賓 ─ ─ 不識好人心

形容對好心相助嘅人反而心存怨恨或不識好意。

呢個歇後語來自於一個傳說，呂洞賓係八仙之一，傳說中呂洞賓喺條街見到隻死咗嘅狗，心生不忍，用泥捏咗個心臟，將隻狗救番生。點知隻狗醒返之後，居然咬返救佢嘅呂洞賓。

之後，大家就用「狗咬呂洞賓，不識好人心」嚟形容啲狼心狗肺嘅人或事件。

歇後語 05 - 老公撥扇, 老婆擔遮

老公撥扇 ─ ─ 淒涼(妻涼)。

老婆擔遮 ─ ─ 陰功(陰公)。

老公撥扇, 老婆擔遮; 兩個都係可憐嘅意思 。

老公向老婆（妻子）就很涼爽， 所以就取其諧音， “妻”涼==淒涼。

老婆擔遮，擔即係攞住/拿住， 遮即係雨傘，擔遮即係攞住把傘。老婆擔遮幫老公遮太陽，老公陰涼。乜嘢係“陰功”？唔係‘冬陰功’，原意係迷信嘅人認爲，當人在世時做咗好事，嚮陰間可以記功，叫做“陰功”，做咗壞事嘅就叫做“冇陰功”。依家“冇陰功”省略叫做‘陰功’，係‘無天理’，‘殘忍’嘅意思。

歇後語 04 - 光棍佬教仔

光棍佬教仔 ─ ─ 便宜莫貪

“光棍佬”即係“騙子”嘅意思；专门呃人嘅人教自己個仔，必定係教佢如何避免受騙，最簡單就係唔好貪小便宜。 正如，光棍佬曾經利用人哋個貪念,呃過唔少人,他因此希望自己個仔唔好因為貪心而被人呃。

其他有關“光棍佬”嘅歇後語：

光棍佬教女，千祈咪蝕底。

財到光棍手，一去無回頭。

歇後語 03 - 黄皮樹了哥

黄皮樹了哥── 唔熟唔食。

黄皮，一种热带水果， 有食療作用，原產於中國南部，黃皮一定要熟透先至好食 ，而且咁樣先至夠甜。黃皮樹有個特别之处，就係當整個樹都結滿晒D果實之後﹐你就要盡量採晒它﹐否則明年就會欠收﹐就算有雀仔食黃皮﹐D人都唔會趕走佢哋﹐日子久咗﹐發現「了哥」最識揀﹐專揀D又熟又甜嘅嚟食。

意思即係話有D人唔講交情﹐專響老友身上搵著數。

歇後語 02 - 神枱貓屎

神枱貓屎── 神憎鬼厭

係人見到都覺得討厭。
點解係“鬼”？“人神共憤” 會否貼切 Ｄ？

歇後語 01 - 二打六

二打六 ─ ─ 未夠斤兩

“二打六”即係二加上六等於八，中國人以十為圓滿，“十全十美”、“斤兩十足”； 有話 “八”即唔夠一斤，一斤=十六兩，半斤=八兩。所以“二打六”係未夠班，唔夠資格！所以二打六係用０黎形容無關重要嘅角色及人物。

p/s :響中國大陸用嘅係市斤,一斤係500公克， 響馬來西亞/台灣/香港用嘅是臺（台）斤，1斤係600公克。 但係有D地方都亂曬大籠， 同一個國家有唔同嘅秤法？！因爲有公制以及市用制之分。公制：一公斤係500公克，但係一般傳統市場依然沿用市用制（臺斤）。

所謂嘅臺斤，其實就係清朝時全國各地所使用嘅“斤”。1895年，臺灣割讓俾日本，日本人推行公制，但係臺灣人仍然沿襲自己嘅習慣，繼續使用舊有嘅度量衡。當中國大陸都唔再使用清朝嘅舊制時，臺灣使用嘅舊制度量衡，就自然成為所謂嘅“臺制”了。

***歇 ＝ hit3，例如蠍子、帶挈; 唔係讀 kit3，例如揭穿、帶挈, 都唔係讀git3，例如衰竭。

Update：2010-03-28：多謝讀者糾正，帶挈嘅正音！